सुर्खेत- पहिरोमा परि कालिकोटमा ४ जनाको मृत्यु भएको छ । तिलागुफा नगरपालिका–१ नाग्म गाउँमा आईतवार बिहान गएको पहिरोमा परि चार जनाको मृत्यु भएको हो । पहिरोमा परि ३ जना वेपत्ता छन् ।

स्थानीय पर्याक शाहीको घर पहिरोले पुरेको जिल्ला प्रहरी कार्यालय कालिकोटका प्रमुम प्रहरी नायव उपरीक्षक श्यामबाबु ओलीयाले जानकारी दिए । पहिरोमा परि ४० बर्षीय पर्याक शाही, उनकी ७ बर्षीया छोरी हिमा शाही, ५ बर्षीय छोरा निराजन शाही र २ बर्षीय छोरा अक्कल शाहीको मृत्यु भएको हो ।
उनीहरको शव आईतवार दिउँसो भेटिएको डिएसपी ओलीयाले बताए । पहिरोमा परेको मृतक शाहीकी श्रीमति पूण्या शाही र अर्का एक जना अर्जुन हमालको उद्दार गरिएका् उनले बताए । उद्दार गरिएकाहरुको उपचार जुम्लामा भईरहेको छ ।
वेपत्ता तीन जनाको पहिचान खुल्न नसकेको र खोजी कार्य जारी रहेको डिएसपी ओलीयाले जानकारी दिए ।