काठमाडौं  – बितेको २४ घण्टामा कोरोनाभाइसबाट थप ४ जनाको मृत्यु भएको छ । यससँगै देशभर कोरोनाबाट ज्यान गुमाउनेको कुल संख्या १९६९ पुगेको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार बितेको २४ घण्टामा थप ३४८ जनामा कोरोना संक्रमण पुष्टि भएको छ भने यससँगै संक्रमितको कुल संख्या २ लाख ६७ हजार ९९२ जना पुगेको छ ।

यस्तै थप ४४१ जना निको भएसँगै संक्रमण निको हुनेको कुल संख्या २ लाख ६२ हजार २५९ पुगेको पनि मन्त्रालयले जनाएको छ।
हाल देशभर सक्रिय संक्रमित ३ हजार ७६४ र निको हुने दर ९७.९ प्रतिशत रहेको छ ।