काठमाडौं – गायक रेशम पुनको स्वर रहेको ‘ए मेरी जुरेली’ बोलको गीत म्युजिक भिडियोसहित सार्वजनिक भएको छ । लोकपप शैलीमा तयार गीतमा शब्द तथा संगीत रेशम पुनकै रहेको छ । गीतमा पुरुषोतम न्यौपानेको एरेन्ज रहेको छ ।
प्रकाश देवकोटाको निर्देशन रहेको भिडियोमा सविना राउत, दीलिप खड्का र बालकलाकार उत्सव बस्नेतको अभिनय देख्न सकिन्छ । ललितपुरका विभिन्न स्थानमा छायाँकन गरिएको गीतमा कलाकार केशव अधिकारीको छायाँकन, सविना राउतको कोरियोग्राफी र धिरज खड्काको सम्पादन रहेको छ । भिडियोमा निम्न वर्गको प्रेमकथा चित्रण गरिएको छ ।