सुर्खेत – १८ वर्षीया एक युवतीमाथी जवरजस्ती करणी प्रयास गरेको आरोपमा सुर्खेतका एक युवक पक्राउ परेका छन् ।
पिडित युवतीको उजुरीको आधारमा युवकलाई सुर्खेतको गुर्भाकोटवाट शनिबार  पक्राउ गरिएकाे हाे ।
गुर्भाकोट नगरपालीका १० का अन्दाजी २२ वर्षीय रण वहादुर ओलीलाई पक्राउ गरिएको ईलाका प्रहरी कार्यालय छिन्चुले जनाएकाे छ ।

अस्थायी प्रहरी पोष्ट जहरे सुर्खेतमा पिडित युवतीले शनिबार बिहाना निवेदन दिएकी थिईन । पिडित युवतीको निवेदन सहित अस्थाई प्रहरी पोष्ट जहरेले आरोपीत युवकलाई ईलाका प्रहरी कार्यालय छिन्चुमा शनिबार दिउसो बुझएको ईलाका प्रहरी कार्यालय छिन्चुका प्रहरी नायव निरिक्षक जय वहादुर रावतले जानकारी दिए ।

काभ्रे घर भई कामको सिलसिलामा सुर्खेत आएकी ती युवतीलाई ओलीले शुक्रबार राती करिव ३ : ३० बजेकाे समयमा जवरजस्ती करणी प्रयास गरेकोे पिडित युवतीले प्रहरी समक्ष बयान दिएकि छन्।

साथीको दिदिको घरमा वास वसेको अवस्थामा दिदिको देवरलेनै राती सुतीरहेकाे ठाउँमा आई  जवरजस्ती करणी प्रयास गरेको पिडित युवतीले बयान दिएकी हुन्। पिडित युवतीको बयान र उजुरीको आधारमा ४ दिनको म्याद थप गरी घटनाबारे अनुसन्धान भईरहेको इलाका प्रहरी कार्यालय छिन्चुका प्रहरी नायव निरिक्षक  रावतकाे भनाइ छ  ।