पौष ५, सुर्खेत – अटोमोबाईल व्यावसायीहरुको छाता संगठन कर्णाली प्रदेश अध्यक्षमा भद्र भण्डारी निर्वाचित भएका छन ।
अटोमोबाईल एसोसियसन अफ नेपाल कर्णाली प्रदेशको आइतबार वीरेन्द्रनगरमा सम्पन्न भेलाले भण्डारीलाई निर्विरोध निर्वाचित गरेको हो । भण्डारी सुर्खेत उद्योग वाणिज्य संघको कोषाध्यक्ष समेत रहेका छन । यस्तै एसोसियसन उपाध्यक्षमा सैयद अन्वर अलि,गोविन्द पौडेल, रमेश पौडेल निर्वाचित भएका छन ।

एसोसियसनको महासचिवमा प्रकाश शाही, सचिवमा ईन्द्र वहादुर खड्का,कोषाध्यक्षमा शुशिल रेग्मी, सदस्यहरुमा राजु शर्मा र एमलाल आचार्य निर्वाचित भएका छन । यसैविच नवनिर्वाचि समितिले आगामी पौष मसान्त भित्र एसोसियसनलाई जिल्ला प्रशासन कार्यालय सुर्खेतमा दर्ता गर्ने, एसोसियसनले तदर्थ समिति गठन गरी विभिन्न संघसंस्थामा पेश गर्ने लगाएत निर्णय गरेको एसोसियसनका नवनिर्वाचित अध्यक्ष भद्र भण्डारीले जानकारी दिए ।