काठमाडौं – गीतकार तथा संगीतकार सुरेश घोण्डे गुरुङको नयाँ गीत सार्वजनिक भएको छ। गुरुङको शब्द तथा संगीतमा ‘मायाको फूलबारी’ बोलको गीत सार्वजनिक भएको हो।

सार्वजनिक गीतमा गायिका मेलिना राई र सुमन केसीले स्वर भरेका छन्। गीतलाई रोमान्टिक शैलीमा तयार गरिएको छ।

शान थापाको निर्देशनमा तयार भएको म्युजिक भिडियोमा अभिनेता पुष्प खड्का र सुशीला थापा फिचर भएका छन्। भिडियोमा पुष्प र सुशिलालाई रोमान्टिक अवतारमा प्रस्तुत गरिएको छ।

राजीव समरको कोरीयोग्राफी रहेको भिडियोलाई अर्जुन तिवारीले खिचेका हुन्। कमल प्रसाईंले ड्रेन चलाएको भिडियोको सम्पादन तथा कलर सुप्रिम पराजुलीले गरेका छन्।