एजेन्सि-अफगानिस्तानमा एक पत्रकार महिलाको गोली हानी हत्या भएको छ ।

रेडियो र टेलिभिजनमा कार्यरत पत्रकार मलाला माइवन्दको हत्या भएको हो । कार्यालय जाँदै गर्दा हतियारधारी समूहले उनी चढेको गाडीमा आक्रमण गरेका थिए ।

आक्रमणमा उनका गाडी चालकको पनि ज्यान गएको बीबीसीले जनाएको छ । आक्रमण कसले गर्यो भन्ने पुष्टि भएको छैन ।

आक्रमणपछि आक्रमणकारी भागेका स्थानीय सञ्चारमाध्यमले जनाएका छन् । सामाजिक अभियन्ता समेत रहेकी पत्रकार माइवन्दले पत्रकार महिलाको हकहितका लागि आवाज उठाउँदै आउनु भएको थियो । समाचार एजेन्सी रोयर्टसका अनुसार उनकी आमाको पनि पाँच वर्षअघि हत्या भएको थियो ।