बुटवल – हँसियाको सहायताले आफैंले घाँटी रेटेर आत्महत्याको प्रयास गरेका बुटवलका एक कोरोना संक्रमित पुरुषको उपचारको क्रममा मृत्यु भएको छ । मृत्यु हुनेमा बुटवल उपमहानगरपालिका-१० का ७६ वर्षीय पुरुष रहेका छन् ।
असोज १२ गते घरमा आफैंले घाँटीमा हसियाले रेटेर आत्महत्याको प्रयास गर्दा उनी घाइते भएका थिए । घाइतेको लुम्बिनी प्रादेशिक अस्पताल बुटवलमा उपचार हुन नसकी सोही दिन युनिभर्सल मेडिकल कलेज भैरहवामा भर्ना गरिएकोमा मंगलबार राति पौने १२ बजे मृत्यु भएको हो ।
मेडिकल कलेजमा उपचारका क्रममा पीसीआर परीक्षण गर्दा मंगलबार उनको रिपोर्ट पोजेटिभ आएको मेडिकल कलेजका प्रशासन प्रमुख तेज केसीले बताए । उनी श्वास प्रश्वाससम्बन्धि रोगबाट ग्रसित थिए (अनलाइनखबर)