सुर्खेत – कर्णाली प्रदेश प्रहरी कार्यालय सुर्खेतले यहाँका विभिन्न जिल्ला प्रहरी कार्यालयमार्फत् २२ जना फरार अभियुक्तलाई फक्राउ गरेको छ ।
प्रहरीले आइतबार १६ फरार प्रतिवादीहरुलाई पक्राउ गरेको कर्णाली प्रदेश प्रहरी कार्यालयका प्रवक्ता एवं प्रहरी बरिष्ठ उपरीक्षक राजेशनाथ वास्तोलाले जानकारी दिए।
पक्राउ परेकाहरु मध्ये जिल्ला प्रहरी कार्यालयमा वन मुद्दाका दुई, जिल्ला प्रहरी कार्यालय दैलेखमा गाली बेईज्जतीका आठ, मुगुमा धनमाल मुद्दाका एक र जिल्ला प्रहरी कार्यालय कालीकोटमा कर्तव्य ज्यानका तीन र जुवाको एक फरार प्रतिवादी रहेको उनकाे भनाई छ ।
प्रदेश प्रहरी कार्यालयअन्र्तगत यही असोज १० मा प्रहरीले छ फरार अभियुक्तलाई पक्राउ गरेको थियो । ती मध्ये जिल्ला प्रहरी कार्यालय कालीकोटबाट जबरजस्ती करणीका एक र गाली बेइज्जतीका दुई, जिल्ला प्रहरी कार्यालय जाजरकोटबाट हुलाक ऐन सम्बन्धी र जबरजस्ती करणी उद्योगअन्तर्गत एक/ एक रहेका छन् । अदालतको फैसला कार्यान्वयनका क्रममा पक्राउ परेका सबै प्रतिवादीहरुलाई सम्बन्धित जिल्ला अदालतसमक्ष पेश गरिएको प्रहरीले जनाएको छ ।