सुर्खेत - मध्यपश्चिम विश्वविद्यालय (एमयु)को स्वतन्त्र विद्यार्थी युनियन (स्ववियु) निर्वाचनमा कांग्रेस निकट नेविसंघको प्टयानलै विजयी भएको छ ।
स्ववियु सभापतिमा नेविसंघका विकेक खड्का विजयी भएका छन् । खड्काले ११८८ मत ल्याएर विजयी भएका हुन् । उनका निकटतम् प्रतिस्पर्धी अनेरास्वियुका जगतजंग शाहीले ९०८ मत ल्याए । अखिल क्रान्तिकारी तेस्रो स्थानमा आयो । अखिल क्रान्तिकारीका प्रकाश विकले २७५ मत प्राप्त गरेका छन् ।
सचिवमा भूपेन्द्र आचार्यले १३९६ मत ल्याएर विजयी भए भने कोषाध्यक्षमा लोकप्रसाद रिजालले १२५५ मत ल्याएर निर्वाचित भएका छन् । मंगलबार राति सम्पन्न मतगणना अनुसार सबै पदमा नेविसंघका उम्मेदवार विजयी भएका हुन् ।
सोमबार भएको मतदानमा २८ सय ६४ मत खसेको थियो । त्यस्तै समानुपातिकतर्फ २ हजार ८६२ मत खसेको थियो । मध्यपश्चिम विश्वविद्यालयमा कुल चार हजार ३८३ मतदाता थिए ।