सुर्खेत – जाजरकोट जुनिचाँदे–६ मइपकी निर्मला शाही आफ्नो श्रीमानको हत्यारालाई उन्मुक्ति नदिन माग गर्दै उच्च अदालत सुर्खेतको गेटमा मंगलबारदेखि धर्ना कसेकी छन् ।

उनका श्रीमान रामबहादुर शाहीको गत माघ १८ गते गाउँ नजिकै काहाडेखोलामा हत्या भएको थियो । हत्यापछि पीडित पक्षले दिएको किटानी जाहेरीका आधारमा प्रहरीले ९ जनालाई पक्राउ गरेको थियो । हाल ५ जना धरौटीमा रिहा भएका छन् । भने ४ जना थुनामै छन् ।

यो मुद्दा जाजरकोट जिल्ला अदालतमा चलिरहेको छ । भने यसबारे प्रहरीले थप अनुसन्धान जारी राखेको छ । तर अपराधिलाई उन्मुक्ति दिने खेल भइरहेको भन्दै उच्च अदालतमा धर्ना बस्नुपरेको पीडित पक्षको भनाइ छ ।