सुर्खेत – सुर्खेत–दैलेख सिमास्थित वीरेन्द्रनगर–१४, को रातानाङ्ग्ला नजिक फोर्स गाडी दुर्घटनामा परेको छ । शुक्रबार दिउँसो दैलेख बजारबाट सुर्खेततर्फ आउँदै गरेको फोर्स गाडी दुर्घटनामा परेको हो । घटनाको एकिन विवरण आउन बाँकी छ ।

गाडी सडकभन्दा झण्डै दुई सय मिटर भिरमा खसेकाले एकिन विवरण संकलन गर्न नसकिएको प्रहरीले जनाएको छ । प्रहरीका अनुसार १३ जना घाईतेको उद्दार गरी गुराँस गाउँपालिकाको एम्बुलेन्समार्फत कर्णाली प्रदेश अस्तालत सुर्खेत पठाइएको छ ।

अन्यको उद्दार कार्य जारी रहेको प्रहरीले जनाएको छ । गाडीमा ३० देखि ३५ जना यात्रु रहेको अनुमान गरिएको छ । शुक्रबार विहान सुर्खेतबाट दैलेख गएको गाडी पुनः यात्रु लिएर सुर्खेत फर्किदै गर्दा दुर्घटनामा परेको प्रारम्भीक अनुसन्धनको क्रममा खुलेको छ ।

मोडमा स्करपियो गाडीलाइ छोएपछि अनियन्त्रित भएर यात्रु वहाक फोर्स गाडी सडकबाट भीरमा खसेको प्रहरीले जनाएको छ ।