सुर्खेत – गाडी दुर्घटना हुँदा एकजनाको मृत्यु हुनुका साथै पाँचजना घाइते भएका छन् । बिहीबार बिहान जुम्लाबाट सुर्खेत आउँदै गरेको कर्णाली प्रदेश ०२२१ ख १०१४ नम्बरको एसएमएल गाडी बराहताल गाउँपालिका– ८ हुर्केमा दुर्घटना भएको हो।
दुर्घटनामा गम्भीर घाइते भएका दैलेखको ठाटिकाध– ४ घर भई वीरेन्द्रनगर नगरपालिका– १ बस्ने ३५ वर्षका दीपक शाहीको मृत्यु भएको प्रहरीले जनाएको छ ।
गम्भीर घाइते उनलाई उपचारका लागि प्रदेश अस्पताल सुर्खेत पुर्याएको र उनलाई अस्पतालले मृत घोषणा गरेको जिल्ला ट्राफिक प्रहरी कार्यालय सुर्खेतका प्रमुख प्रहरी निरीक्षक वकिल सुनारले बताए ।
घाइते सबैको अवस्था सामान्य रहेको र कर्णाली केयर अस्पतालमा उपचार भइरहेको छ । प्रहरीका अनुसार गाडीमा बच्चासहित २९ जना सवार थिए ।