काठमाडौँ – आज (शुक्रबार) पनि सबै प्रदेशमा पानी पर्ने तथा तराईका थोरै स्थानमा हावाहुरीसमेत आउने सम्भावना रहेको मौसम पूर्वानुमान महाशाखाले जनाएको छ। वर्षा, चट्याङ, बाढी, पहिरो तथा हावाहुरीबाट हुनसक्ने क्षतिबाट जोगिन सुझाव दिँदै महाशाखाले २४ घण्टाका लागि चेतावनी पनि जारी गरेको छ।
महाशाखाका मौसमविद् गोविन्द झाका अनुसार यतिबेला ९शुक्रबार बिहान ७ बजे० कोशी, बागमती र गण्डकीका थोरै भूभाग तथा मधेशको पूर्वी भूभागका एकरदुई स्थानमा वर्षा भइरहेको छ।
‘कोशी र मधेशको पूर्वी भूभागका एकरदुई स्थानमा भारीदेखि धेरै भारीसम्म पनि वर्षा भएको छ’, उनले भने, ‘पछिल्लो ३ घण्टामा १०३, १२८ मिलिमिटरसम्म वर्षा भएको छ।’
बागमती प्रदेशअन्तर्गत तत्काल काठमाडौं उपत्यकामा भने पानी नपरेको उनले बताए। ‘तर उपत्यका आसपास सिन्धुपाल्चोक, दोलखातिर भने वर्षा भइरहेको छ’, मौसमविद् झाले भने। दिउँसो भने काठमाडौं उपत्यकामा हल्कादेखि मध्यमसम्म वर्षा हुने सम्भावना रहेको जानकारी पनि उनले दिए।
मौसम महाशाखाका अनुसार आज दिउँसो सबै प्रदेशका केही स्थानमा हल्कादेखि मध्यमसम्म वर्षा हुने सम्भावना छ। यस क्रममा कोशी र गण्डकी प्रदेशका एकरदुई स्थानमा मेघगर्जनरचट्याङसहित भारी वर्षाको समेत सम्भावना छ। साथै मधेश प्रदेश र लुम्बिनी प्रदेशका तराईका थोरै स्थानमा हावाहुरीको पनि सम्भावना रहेको महाशाखाले जनाएको छ।
यस्तै राति सुदूरपश्चिम, कर्णाली, लुम्बिनी र गण्डकी प्रदेशका केही र बाँकी प्रदेशका थोरै स्थानमा हल्कादेखि मध्यमसम्म वर्षा हुने सम्भावना छ। यस क्रममा गण्डकी र सुदूरपश्चिम प्रदेशका एकरदुई स्थानमा मेघगर्जनरचट्याङसहित भारी वर्षाको समेत सम्भावना छ भने मधेश प्रदेश र लुम्बिनी प्रदेशका तराईका थोरै स्थानमा हावाहुरीको पनि सम्भावना रहेको महाशाखाले जनाएको छ।
महाशाखाले आगामी २४ घण्टा (शनिबार बिहान ६ बजेसम्म) का लागि चेतावनी तथा परामर्श पनि जारी गरेको छ।
जसमा भनिएको छ– सबै प्रदेशका केही स्थानमा हल्कादेखि मध्यम वर्षाको सम्भावना छ। कोशी, गण्डकी र प्रदेशका एकरदुई स्थानमा मेघगर्जनरचट्याङसहित भारी वर्षाको समेत सम्भावना रहनुका साथै मधेश प्रदेश र लुम्बिनी प्रदेशका तराईका थोरै स्थानमा हावाहुरीको पनि सम्भावना रहेको हुनाले यसबाट सडक तथा हवाई यातायात, स्वास्थ्य, कृषि, पर्यटन लगायतका क्षेत्रहरू र दैनिक जनजीवन समेत प्रभावित हुनसक्ने देखिन्छ। तसर्थ हावाहुरी, भारी वर्षा, मेघगर्जनरचट्याङ, गेग्रान बहाव, बाढी, पहिरो तथा भूक्षयका कारण हुनसक्ने जोखिम वा क्षतिबाट बच्न आवश्यक सतर्कता अपनाउन हुन अनुरोध छ।