सल्यान – नेपाल कम्युनिष्ट पार्टी नेकपाका केन्द्रिय सदस्य तथा कर्णाली प्रदेश कमिटी सह इन्चार्ज प्रकाश ज्वालाले पार्टीले दिएको जिम्मेवारीलाई कुशतलापूर्वक पुरा गर्न पार्टि कार्यकर्तालाई निर्देशन दिएका छन् ।
नेपाल कम्युनिष्ट पार्टी (नेकपा) सल्यान शारदा नगर कमिटीको सपथ ग्रहण कार्यक्रम उनले पुरानो तौरतरिका र ढाँचाले पार्टी सञ्चालन हुन नसक्ने बताउदै पार्टीको सबै शक्ति एक ढिक्का भएर नयाँ तरिकाले सञ्चालन गर्नुपर्ने बताए । शनिवार ८१ सदस्यीय नगर कमिटीले पुर्णता पाउनुका साथै सपथ ग्रहण कार्यक्रम सम्पन्न भएको हो ।
कार्यक्रममा नेकपा केन्द्रिय सदस्य तथा सल्यान जिल्ला इन्चार्ज टेक बहादुर बस्नेत, नेकपाका केन्द्रिय सदस्य तथा सल्यान जिल्ला सह इन्चार्ज गुलाब जङ्ग शाह, नेकपा जिल्ला कमिटी अध्यक्ष गोबिन्द पुन, सचिव कर्ण बहादुर बुढाथोकी, जिल्ला कमिटी सदस्यहरु रमेश कुमार गौतम, कल्पना सेजवाल, दामोदर शर्मा, हिमाल यात्री, मनोज सिंह लगाएतकाले धारणा राखेका थिए ।