काठमाडौं – धोनीको टोली ९७ रनमा अलआउट भएपछि मुम्बईले चेन्नई सुपरकिंग्सलाई पाँच विकेटले पराजित गरेको छ। यो हारसँगै २०२१ को च्याम्पियन चेन्नई सुपर किंग्सको टोली आईपीएल २०२२ को प्लेअफबाट बाहिरिएको छ ।

आईपीएल २०२२ मा मुम्बईको यो तेस्रो जित हो भने चेन्नईको आठौँ हार हो। दुवै टोलीले १२ खेल खेलिसकेका छन् । मुम्बई यसअघि नै प्लेअफको दौडबाट बाहिर भइसकेको छ । अब दुवै टोलीले थप दुई खेल खेल्नुपर्नेछ । आईपीएलको इतिहासमा मुम्बई र चेन्नईको कुनै पनि टोली प्लेअफमा पुग्न नसकेको यो पहिलो पटक हो ।

जवाफमा मुम्बईको सुरुवात पनि राम्रो भएन । चेन्नईका लागि मुकेश चौधरी र सिमरजीत सिंहले ओपनिङ गरे । उनले मुम्बईका प्रारम्भिक खेलाडीलाई स्थिर हुन दिएनन् र ३२ रन नपुगेसम्म उनका चार खेलाडी पभिलियन फर्किएका थिए ।

तर, यसपछि युवा ब्याट्सम्यान तिलक वर्मा र ऋतिक शोकिनले पाँचौँ विकेटका लागि ४८ रनको साझेदारी गरे । शौकीनले १८ रन बनाए । जबकि तिलक वर्माले अविजित ३४ रन बनाए ।