सुर्खेत – देश यतिबेला चुनावी महासंग्राममा होमिएसँगै सुर्खेतमा पनि चुनावी रौनक बढेको छ । स्थानीय तहको आसन्न निर्वाचनका लागि वीरेन्द्रनगरमा कांग्रेस नेता, कार्यकर्ता सहित उम्मेदवारहरु घरदैलो अभियानमा छन् ।

मतदाता रिझाउन घरदैलो अभियानमा लागेपछि कांग्रेस उम्मेदवारप्रति मतदाताको चासो बढेको छ । रुख चिन्ह्रबाट चुनाव लड्न लागेका कांग्रेस उम्मेदवारलाई आ आफ्नो वडा तथा पालिकामा जिताउन कार्यकर्ता लागिपरेका छन् ।

वीरेन्द्रनगर नगरपालिकामा कांग्रेसबाट मेयर का उम्मेदवार उपेन्द्र खड्का, वडा नंम्बर ५ का वडाध्यक्षका उम्मेदवार राजकुमार गुरुङ लगाएत सबै वडा र नगर कार्यपलिकाका उम्मेदवारहरु घरदैलो अभियान गर्दै भोट माग्न थालेका हुन् । उम्मेदवारहरुले आफुलाई जिताउन आग्रह गर्दै मतदाता रिझाउन थालेका छन् ।