काठमाडौं – अनमोल केसी र सुहाना थापा स्टार फिल्म ‘ए मेरो हजुर ४’ बैशाख १ गते अर्थात आजबाट प्रदर्शनमा आउँदैछ। त्यसको ठीक अघिल्लो दिन बुधबार साँझ निर्माण टिमले फिल्मको प्रिमियर शो को आयोजना गर्यो ।

काठमाडौंको बिग मुभिजमा आयोजित प्रिमियरमा नेपाली कला क्षेत्रमा आवद्ध थुप्रै कलाकर्मीको उपस्थिति रह्यो । प्रेम कथामा आधारित फिल्मको प्रिमियरमा कलाकार, निर्माता, निर्देशक, र पत्रकार अनि अन्य समाजिक संस्थामा आवद्ध व्यक्तित्वहरुको पनि बाक्लो उपस्थित रह्यो ।

झरना थापाको निर्देशन तथा सुनिलकुमार थापाको निमार्ण रहेको ‘ए मेरो हजुर ४’मा अभिनेता सलोन बस्नेत, रेयर राई, निर्मल शर्मालगायतको अभिनय रहेको छ ।