सुर्खेत – कर्मचारीलाई कोरोना संक्रमण भएपछि मालपोत कार्यालय सुर्खेतले सेवा प्रवाह बन्द गरेको छ । कोभिड-१९ संक्रमणको तेस्रो लहर चलिरहेको बेला कार्यालयमा कार्यरत पाँच जना कर्मचारीलाई संक्रमण पुष्टी भएको हो ।

कर्मचारीलाई कोरोना सक्रमण भएपछि कार्यालयले सेवाग्राहीसँग प्रत्यक्ष जोडिएका कार्यहरु माघ २१ गतेसम्मका लागि स्थगत गरेको जनाएको छ ।

सेवा बन्दको सूचना अनुसार कार्यालयबाट प्रवाह हुने लिखत पारित, दृष्टिबन्धक, रोक्का फुकुवा, नामसारी, दाखिला खारेजलगायतका सेवाग्राहीसँग प्रत्यक्ष जोडिएको कामकाज स्थगन गरिएको उल्लेख छ।

दैनिक प्रशासनिक कार्यहरुलगायत, अदालत, प्रहरी र प्रशासनसँग सम्बन्धित कार्यहरु भने जारी रहने मालपोत कार्यालय सुर्खेतका कार्यालय प्रमुख जनकबहादुर हमालले बताए । उनका अनुसार सेवाग्राहीमा पर्न गरेको असरप्रती कार्यालय क्षमाप्रार्थी छ ।