लन्डन – बेलायतमा कोरोनाभाइरसको संक्रमण सुरु भएदेखिकै सबैभन्दा बढी संक्रमित भएका बताइएको छ । यहाँ गएको २४ घण्टायता मात्र अर्थात् सोमबार मात्र कम्तीमा पनि एक लाख २९ हजार ४७१ जना संक्रमित भेटिएका छन् । यहाँका स्वास्थ्य अधिकारीहरूले सो कुरा बताएका हुन् ।

उनीहरूका अनुसार यहाँ सोमबार कोरोनाका कारण १८ जनाको ज्यान गएको छ । यहाँ अहिलेसम्ममा एक करोड २३ लाखभन्दा बढी संक्रमित पाइएका छन् ।

त्यसैगरी, बेलायतका स्वास्थ्य अधिकारीहरूले यहाँ अहिलेसम्म कोरोनाभाइरसको संक्रमणबाट कम्तीमा पनि एक लाख ४८ हजार २१ जनाको ज्यान गएको बताएका छन् ।

यहाँ पछिल्लो समयमा ओमिक्रोनको संक्रमण पनि बढ्दै गएको छ । जसका कारण यहाँको सरकारले कतिपय सार्वजनिक कार्यहरूमा प्रतिबन्ध लगाएको छ भने सतर्क रहन आग्रह पनि गरेको छ ।

पछिल्लो समयमा यहाँ ओमिक्रोनको प्रकोप बढेपछि अस्पताल भर्ना हुने संक्रमितहरूको संख्या पनि बढ्दो देखिएको छ । रासस र सिन्ह्वा