काठमाडौं – पछिल्लो समयकी चर्चित मोडल गरिमा शर्मा ‘गुराँसको पछ्यौरी’ भन्दै नाचेकी छन् । गायिका रुशाली भट्टराईको स्वरमा रहेको गीत ‘गुराँसको पछ्यौरी’ को म्युजिक भिडियो गरिमा माथी फिचरिङ गरिएको छ ।

लोक शैलीको गीतमा राजेन्द्र थापा र राजनराज शिवाकोटीको शब्द तथा राजनराज शिवाकोटीको संगीत छ । निशान घिमिरेले निर्देशन गरेको भिडियोमा नेपाली डाँडाकाँडा तथा हिमाली दृश्य समत देखाइएको छ । सागर प्रधानको छायांकन रहेको भिडियोमा सन्तोष राज बाहकको कोरियोग्राफी र निर्देशक घिमिरेकै सम्पादन छ ।

गीत तथा भिडियो सबैको रुचिलाई ध्यानमा राखेर तयार गरेकोले श्रोताले तथा दर्शकले मन पराउनेमा गायिका भट्टराईले आशा लिएकी छन् ।