काठमाडौं – नेकपा (एमाले)का अध्यक्ष केपी शर्मा ओलीले सत्तारूढ नेपाली कांग्रेस थोत्रो पार्टी भएको बताएका छन् । धनकुटामा आयोजित कार्यक्रममा उनले आफ्नो दुई तिहाइको सरकार ढालेर कांग्रेसको पछि लागेको भन्दै तत्कालीन नेकपाका नेताहरूसँगसमेत आक्रोश पोखे ।

“नेपाली कांग्रेस थोत्रो पार्टी भइसक्यो । नेपाली कांग्रेसको पछि लाग्ने कस्तो होलान् विचार गर्नुस् त । आफ्नो दुई तिहाइको सरकार ढालेर बुढो कांग्रेसका पछि लागेर सरकारमा सामेल हुने कस्तो बुद्धि होला तिनीहरूको रु,” उनले भने ।

उनले एमाले प्रवेश गरेका नेताहरूलाई पछुताउने अवस्था नआउने समेत बताए । कार्यक्रममा ओलीले सहिदहरूको सपना एमालेले साकार पार्ने दाबी समेत गरे । मौका पाउने बित्तिकै एमालेले विकास गरेर देखाएको उनको दाबी छ ।