काठमाडौं –  नेकपा एकीकृत समाजवादीका अध्यक्ष माधवकुमार नेपालले आँट नभएकाहरु एमालेको ढोका बाहिर रोइकराइ गरेर बसेको टिप्पणी गरेका छन् ।

सोमबार काठमाडौंमा आयोजित अखिल नेपाल किसान महासंघको राष्ट्रिय समिति घोषणा सभामा अध्यक्ष नेपालले एमालेको ढोका बन्द गरिएपछि आफूहरुले नयाँ ढोका खोलेको भन्दै अहिले पनि आँट नभएकाहरु एमालेको ढोकामा रोइकराइ बसेको टिप्पणी गरेका हुन् ।

उनले आँट भएकाहरु नयाँ संगठन बनाएर अघि बढेको बताए । नेपालले कृषि क्षेत्रमा मात्रै नभइ राजनीतिमा पनि लुटेरा प्रवृत्ति हुर्किरहेको बताए ।