तालिबानले आफ्ना सैनिकलाई सेल्फी नखिच्न चेतावनी दिएको छ। अफगानिस्तान भित्र रहेका विभिन्न आकर्षक पर्यटकीय स्थलमा सेल्फी नखिच्न तालिबानले सैनिकलाई चेतावनी दिएको हो।

आइतबार वाल स्ट्रिट जर्नलमा प्रकाशित समाचार अनुसार तालिबानले आफ्ना सैनिकलाई सेल्फी नखिच्न र पर्यटकीय स्थल, पार्क र अन्य सार्वजनिक स्थलको तस्बिर नखिच्न चेतावनी दिएको छ। ड्युटीमा खटिँदा, पिकनिक मनाउँदा, विभिन्न पार्कमा घुम्दा समेत कुनै तस्बिर नखिच्न तालिबानले चेतावनी दिएको हो।

अफगानिस्तानमा तालिबानले कब्जा जमाएपछि थुप्रै तालिबानी सैनिकहरुले विभिन्न क्षेत्रको सेल्फी र अन्य तस्बिर खिचेका थिए। जुन सामाजिक सञ्जालमा भाइरल बनेका थिए।
०००