जनकपुरधाममा आज साँझ एक टिपरको ठक्करबाट मोटरसाइकल चालकको मृत्यु भएको छ।

मृत्यु हुनेमा भारतीय नागरिक आनन्द किशोर रहेको जिल्ला प्रहरी कार्यालय धनुषाले जनाएको छ। धनुषाका प्रहरी प्रवक्ता डीएसपी जीतेन्द्रकुमार बस्नेतकाअनुसार जनकपुरबाट ढल्केबरतर्फ जान लागेको ना ७ ख ४७४८ नम्बरको टिपरले विपरीत दिशाबाट आउदै गरेको मोटरसाइकललाई ठक्कर दिएको थियो।

टिपरले ठक्कर दिएपछि मोटरसाइकल टिपरको तल छिर्दा बस्नेतको टाउकोमा चोट लागेर गम्भीर घाइते भएका थिए। उनको उपचारका क्रममा प्रादेशिक अस्पतालमा मृत्यु भएको प्रहरीले जानकारी दिएको छ। घटनापश्चात आक्रोशित स्थानीयले टिपरमा आगजनी गरेका छन्।