काठमाडौं – कुलमान घिसिङ नेपाल विद्युत् प्राधिकरणको कार्यकारी निर्देशक पुनः नियुक्त भएका छन् । उनी भएका प्राधिकरणमा दोस्रोपटक नियुक्त भएर आएपछि सर्वसाधारणदेखि कलाकारसम्मले सामाजिक सञ्जालमार्फत खुसी व्यक्त गरिरहेका छन् ।

यस्तैमा कलाकार दीपकराज गिरीले कुलमानको पुनः नियुक्तिको बिषयमा खुसी ब्यक्त गरेका छन्। उनले सामाजिक सञ्जालमा एक पोष्ट गर्दै कुलमानको नियुक्तिको सरकारको निर्णय जनप्रिय भएको बताएका छन् । पुनः नियुक्तिबाट कुलमानलाई ढिलै भएपनि राम्रो कामको पुरस्कार मिलेको गिरीको भनाई रहेको छ ।

गिरीले स्वतन्त्र नागरिकको हैसियतले आफुले सरकारको नराम्रो कामको आलोचना र राम्रो कामको तारिफ आफुले गर्ने गरेको समेत बताएका छन् । कुलमानको नियुक्ति माग गर्दै ओली सरकारको पालामा कलाकार गिरीले बिभिन्न अभियान समेत चलाएका थिए ।