काठमाडौ – जनता समाजवादी पार्टीका सङ्घीय परिषद् अध्यक्ष तथा पूर्व प्रधानमन्त्री तथा डा।बाबुराम भट्टराईले राष्ट्रपति र प्रधानमन्त्रीले तत्काल राजीनामा दिनुपर्ने बताउनुभएको छ ।

पूर्व प्रधानमन्त्री भट्टराईले सर्वोच्चको फैसला आए लगत्तै सर्वोच्चलाई धन्यवाद दिँदै राष्ट्रपति र प्रधानमन्त्रीले राजीनामा दिनुपर्ने बताउनुभएको हो।

उहाँले भन्नुभएको छ ‘सर्वोच्चको फैसला सम्मानयोग्य छ । र, यो फैसलासँगै राष्ट्रपति र प्रधानमन्त्रीले आफ्नो नैतिकता गुमाइसकेका छन् । यदि उहाँहरूसँग अलिकति पनि नैतिकता बाँकी छ भने तत्कालै राजीनामा दिनुपर्छ । किनभने उहाँहरूले राष्ट्रपति र प्रधानमन्त्रीको कुर्सीमा बस्ने नैतिकता गुमाइसक्नु भएको छ ।