सुर्खेत – कर्णाली प्रदेश अस्पतालमा उपचाररत दुईजना कोरोना संक्रमित विरामीको गएराति मृत्यु भएको छ ।
अस्पतालका कोरोना फोकल पर्सन डाक्टर केएन पौडेलले दुई जनाको मृत्यु भएको पुष्टि गरेका हुन्।उनका अनुसार सुर्खेत भेरिगंगा नगरपालिका–४ का ६४ वर्षीय एक पुरुष र वीरेन्द्रनगर नगरपालिका–१३ का ५३ वर्षीय अर्का पुरुषको निधन भएको हो ।

भेरिगंगाका बिरामी बैशाख ५ र वीरेन्द्रनगरका विरामी बैशाख ११ गतेदेखि सो अस्पतालमा उपचाररत थिए । यसका साथै कोरोना संक्रमणपछि उपचाररत दैलेखको नारायण नगरपालिका–१ पुरानो बजार निवासी ७५ वर्षीय एक पुरुषको आज विहान निधन भएको छ।

उनलाई हिजो मात्र कोरोना संक्रमण पुष्टि भएको थियो । दैलेख कोरोना अस्पतानमा अक्सिजनसहित उपचार गराइए पनि उनको निधन भएको अस्पतालले जानकारी दिएको छ ।