आज देशका धेरै ठाउँको मौसम आंशिकदेखि सामान्य बद्ली भइ पहाडी क्षेत्रमा हल्का पानी पर्ने मौसमविद्को भनाइ छ।

मौसमविद् समिर श्रेष्ठकाअनुसार दिउँसोपछि पहाडी क्षेत्रका केही ठाउँमा हल्का वर्षा हुने सम्भावना रहेको छ ।
नेपालमा पश्चिमी वायुको आंशिक प्रभाव रहेकाले मौसम बद्ली भएको मौसमविद्को भनाइ छ । पर्सिदेखि भने बिस्तारै मौसम खुल्दै जाने मौसमविद्ले बताएका छन् ।

आज सुदूरपश्चिम प्रदेशको मौसम पूर्णरुपमा बद्ली हुने र त्यहाँका हिमाली क्षेत्रमा हिमपात हुने मौसमविद् श्रेष्ठले जानकारी दिनुभयो । तराईका जिल्लाको मौसम भने आंशिक बद्ली हुनेछ । भोलि पनि देशका धेरै ठाउँको मौसम यस्तै रहने अनुमान छ ।