काठमाडौं – नेपाल कम्युनिस्ट पार्टी नेकपाको प्रचण्ड–माधव समूहका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीलाई कुहिएको अण्डासँग तुलना गरेका छन्।

पार्टी कार्यालय पेरिसडाँडामा आयोजित पार्टी समायोजन तथा पार्टी प्रवेश कार्यक्रमलाई सम्बोधन गर्दै उनले माओत्सेतुङले कम्युनिस्टहरू अण्डा जस्तै फाइदाजनक हुन्छन् तर बिग्रिए भने कुहिएको अण्डा जस्तै हुन्छन् भनेको प्रसंग स्मरण गर्दै ओली पनि कुहिएको अण्डा जस्तै भएको टिप्पणी गरे।

कार्यक्रममा प्रचण्डले पार्टीमा प्रवेश गरेका नेता कार्यकर्ताहरूलाई उनीहरूको क्षमताका आधामा उचित जिम्मेवारी दिइने पनि बताए। त्यस अवसरमा उनले विप्लव शान्तिपूर्ण राजनीतिमा आउनु खुसीको कुरा भएको र एकदिन यसैगरी मूल पार्टीमा फर्किने पनि विश्वास व्‍यक्त गरे। थाहाखबर