काठमाडाैं – इटालियन सिरी ‘ए’ फुटबलमा आज इन्टर मिलान र एसी मिलानबीच प्रतिस्पर्धा हुँदैछ।

मिलान डर्बी भिडन्त एसी मिलानको घरेलु मैदान सानसिरोमा राति पौने ८ बजे हुनेछ। दुवै टिम जित निकाल्ने लक्ष्यसहित मैदान उत्रने छन्। डर्बी भिडन्त शीर्ष स्थानको होडबाजी हुनेछ।​

इन्टरले २२ खेलमा १५ मा जित र २ खेलमा हार बेहोरेको छ भने ५ वटा बराबरी खेलेको छ। ५० अंक जोडेको इन्टर तालिकाको शीर्ष स्थानमा छ। यस्तै समान खेलमा १५ मा जित र ३ मा पराजय बेहोर्नुका साथै ४ खेल बराबरी गरेको एसी मिलान ४९ अंकका साथ दोस्रो स्थानमा छ।

यी दुईबीच शीर्ष स्थानका लागि तीव्र प्रतिस्पर्धा चलिरहेको छ। आजै राति अन्य दुई खेल पनि हुनेछन्। जसमा राति पौने ११ बजे एटलान्टा र नापोली भिड्दा राति साढे १ बजे बेनेभेन्टो र रोमाबीच प्रतिस्पर्धा हुनेछ ।