काठमाण्डौ – सुन  भाउ आज एकै दिन  तोलामा सात सय रुपैयाँले घटेको छ । तोलामा सुनको भाउ आज ९१ हजार ८ सय रुपैयाँ कायम भएको नेपाल सुन चाँदी व्यवसायी महासंघले जनाएको छ ।
यस्तै, आज चाँदी पनि आज तोलामा ३० रुपैयाँले घटेर १२ सय ३० रुपैयाँमा झरेको महासंघले जनाएको छ ।

अन्तर्राष्ट्रिय बजारमा सुनको भाउ घटेकाले नेपाली बजारमा सस्तो भएको महासंघका पूर्व अध्यक्ष तेजरत्न शाक्यले बताउनुभएको छ । उहाँका अनुसार आज अन्तर्राष्ट्रिय बजारमा प्रतिऔंस १८ सय ३० डलर छ ।

अमेरिकामा राष्ट्रपतीय चुनावमा विजयी भएका जो बाइडेनको कार्यकाल सुरु हुन लागेकाले पनि अन्तर्राष्ट्रिय बजारमा सुनको भाउ घट्न थालेको व्यवसायीको अनुमान छ ।