काठमाडौं – गायिका शान्ति श्री परियारको स्वर रहेको नयाँ गीत ‘न्याय मरेको देश’ सार्वजनिक गरिएको छ । राजेश पौडेलको शब्द, दिनेश मुस्कानको संगीत गीतमा रहेको छ । महिलाहरुमाथि हुने विभिन्न हिंसा बलात्कार, एसिड काण्ड र छाउ सम्बन्धि कथा समेटिएको गीतको भिडियो विना श्रेष्ठले निर्देशन गरेकी हुन् ।

रश्मि शाक्यको निर्माण, उत्तम हुमागाईंको छायाँकन, अनिल कुमार महर्जनको सम्पादन रहेको भिडियोमा लक्ष्मी बर्देवा, सुशील पोखरेल, साक्षी लम्साल, पुजन घिमिरे, बासु शाही, अनिता पौडेललगायतको अभिनय रहेको छ ।