काठमाडौं – नयाँ शक्ति पार्टी नेपालका संयोजक रवि किरण हमालले वली,प्रचण्ड र देउवालाई छानिबन गर्न माग गरेका छन् ।
जनता समाजवादी पार्टी (जसपा) का वरिष्ठ नेता बाबुराम भट्टराईलाई माओवादी क्यान्टोनमेन्ट र बुढीगण्डकी प्रकरणमा भएको अर्बौं भ्रष्टाचार बाहिर ल्याउन आग्रह गरेका हुन् ।
केही वर्ष अगाडि कैलालीमा भएको कार्यक्रममा बाबुरामले माओवादी क्यान्टोनमेन्टमा प्रचण्डको टिमले अर्बौं भ्रष्टाचार गरेको बताएका थिए , हिजो मात्र गोर्खामा आयोजित एक कार्यक्रममा बोल्दै बुढीगण्डकी जलविद्युत परियोजनामा प्रधानमन्त्री केपी शर्मा वली, पुर्वप्रधानमन्त्रीहरु प्रचण्ड र देउवा मिलेर नौ अर्ब भ्रष्टाचार गरेको आरोप लगाएका थिए। उनले आफूसङ प्रमाण रहेको समेत दाबी गरेका छन् ।
बाबुराम भट्टराई सङको तस्बिर सामाजिक संजालमा राख्दै उनले सत्यतथ्य बाहिर ल्याउन बाबुराम सङ माग गरेका छन् ।
किरणले लेखेका छन् “यो अत्यन्तै गम्भीर विषय हो , यदी त्यसो हो भने बाबुराम भट्टराईले सार्वजनिक रूपमा प्रमाण नेपाली जनता समक्ष प्रस्तुत गर्नुपर्छ , प्रधानमन्त्री वलीले राजीनामा दिनुपर्छ ।”
नागरिकका तर्फबाट उच्चस्तरीय संयन्त्र बनाएर छानबिन गरेर कार्वाही प्रक्रिया अगाडि बढाउनुपर्ने समेत उनले बताएका छन् । मुलधारको राजनैतिक नेतृत्व भ्रष्ट रहेको समेत नयाँ शक्तिले आरोप लगाएको छ ।