रुकुमपश्चिम – रुकुमपश्चिमको आठविसकोटमा अटोरिक्सा दुर्घटना हुँदा चालकसहित सात जना घाइते भएका छन्।

आज बिहान आठविसकोट नगरपालिका–९ स्थित खहरेपिपलमा रा १ ह ४८०२ नम्बरको अटोरिक्सा दुर्घटना भएको हो। आठविसकोट नगरपालिका १० को काफलचौरबाट वडा नम्वर ९ को राडि बजारतर्फ आउँदै गरेको अटोरिक्सा दुर्घटना हुँदा अटोमा सवार सात जना घाइते भएको आठविसकोट नगरपालिका प्रमुख रबि केसीले जानकारी दिए।

घाइते हुनेहरुमा अटो चालक आठविसकोट नगरपालिका १० निवासी १९ वर्षीय दिपक खत्री, बाँफिकोट गाउँपालिका ७ का अन्दाजी ४९ वर्षीय नन्दराम पुन, ४२ वर्षीय मदन कुसारी, १८ वर्षीया करुणा कुसारी र उहाँका ११ महिनाको छोरा तेज बिक्रम कुसारी हुनुहुन्छ । त्यसैगरी, आठविसकोट नगरपालिका १२ निवासी १८ वर्षीया कल्पना बिक र उनकी एक वर्षीया छोरी दुर्घटनामा घाइते भएकी हुन्।