सुर्खेत – तीन दिनदेखि भेरी नदीमा बेपत्ता गोविन्द थारु खोजीका लागि सशस्त्र प्रहरीको गोताखोर टोली परिचालन गरिएको छ।

यही चैत १२ गते नुहाउने क्रममा जाजरकोट भेरी नगरपालिका–१३, स्थित भेरी नदीमा ३५ वर्षीय थारु बेपत्ता भएका थिए।

उनको खोजीका लागि सशस्त्र प्रहरी बल महेश्वरी बाहिनी मुख्यालय सुर्खेतबाट आज बिहान ४ जना गोताखोरसहित ७ जनाको टोली परिचालन गरिएको हो।

यसअघि थारु बेपत्ता भएलगत्तै आश्रित गुल्म जाजरकोटबाट निरन्तर खोजी भइरहे पनि फेला नपरेपछि गोताखोर खटाइएको सशस्त्र प्रहरीका प्रवक्ता डीएसपी शैलेन्द्र थापाले जानकारी दिए।