काठमाडौं – देशका पहाडी भू–भागमा शनिबार आंशिक बदली रही बाँकी भू–भागमा सामान्यतया मौसम सफा रहने अनुमान गरिएको छ।

मौसम पूर्वानुमान महाशाखाका अनुसार दिउँसो बागमती, कोशी, गण्डकी, कर्णाली र सुदूरपश्चिम प्रदेशका पहाडी भू–भागमा आंशिक बदली रहने छ।

यस्तै पहाडी भूभागका एक–दुई स्थानमा चट्याङसहित हल्का वर्षाको सम्भावना रहेको महाशाखाले जनाएको छ। काठमाडौं उपत्यकामा दिउँसोको तापक्रम ३० डिग्री सेल्सियससम्म पुुग्ने मौसमविद् गोविन्दकुमार झाले जानकारी दिए।

आज राति भने देशैभरको मौसम सामान्यतया सफा रहनेछ । हाल देशमा स्थानीय वायुको सामान्य प्रभाव छ।