सुर्खेत – कर्णाली प्रदेशमा पछिल्लो २४ घण्टामा २५ जना कोरोना संक्रमित थपिएको कर्णाली प्रदेश सामाजिक विकास मन्त्रालय स्वास्थ्य सेवा महाशाखाले जनाएको छ ।

प्रदेश अस्पताल÷पशुपंक्षी रोग अन्वेषण प्रयोगशाला सुर्खेतमा २३ जना, कर्णाली स्वास्थ्य विज्ञान प्रतिष्ठान जुम्लामा १ जना दैलेख अस्पताल दैलेखमा १ जना कोरोना संक्रमित पुष्टि भएको स्वास्थ्य सेवा महाशाखाले जनाएको छ । यस सँगै कर्णालीमा संक्रमितको संख्या २ हजार ६७४ पुगेको छ ।

यसैगरि पछिल्लो २४ घण्टामा कोरोनाबाट १० जना निको भएका छन् । अहिलेसम्म कर्णाली प्रदेशमा कोरोनाबाट निको हुनेहरुको संख्या २ हजार ३१७ रहेको छ ।