काठमाडौं – देशका पहाडी भू–भागमा शनिबार हल्का पानी पर्ने सम्भावना छ। जल तथा मौसम विज्ञान विभागका अनुसार दिउँसो पहाडी भू–भागका थोरै स्थनामा मेघगर्जन र चट्याङसहित हल्का वर्षाको सम्भावना छ।

उच्च पहाडी तथा हिमाली भू–भागमा हल्का हिमपातको सम्भावना छ । अहिले कोशी, बागमती र गण्डकी प्रदेशमा आंशिक बदली रहेको मौसम रातिसम्म नै बदली रहने मौसम पूर्वानुमान महाशाखाले जनाएको छ। अन्य प्रदेशमा भने आंशिक बदलीदेखि मौसम सामान्यतया सफा रहनेछ।

हाल नेपालमा पश्चिमी वायुको सामान्य प्रभाव छ ।