काठमाडौं – इन्डियन प्रिमियर लिग (आईपीएल) टि–ट्वान्टी क्रिकेटमा शीर्ष स्थानको गुजरात टाइटन्स पञ्जाब किंससँग ८ विकेटले पराजित भएको छ।

मुम्बईमा गएराति भएको खेलमा गुजरातले दिएको १ सय ४४ रनको लक्ष्य पञ्जाबले १६ ओभरमा २ विकेट गुमाएर भेट्टायो। पञ्जाबका शिखर धवनले अविजित रहँदै ६२ रनको अर्धशतकीय इनिङ खेले। भानुका राजपाक्षेले ४० र लियाम लिभिङस्टोनले ३० रन बनाए।

टस जितेर पहिले ब्याटिङ गरेको गुजरातले २० ओभरमा ८ विकेट गुमाएर १ सय ४३ रन बनाएको थियो। जितसँगै पन्जाबले १० खेलमा १० अंक जोडेर छैटौं स्थानमा उक्लिएको छ। पराजित भए पनि गुजरात १६ अंकसहित शीर्ष स्थानमा यथावत छ।

आइपिएल क्रिकेटमा आज रोयल च्यालेन्जर्स बैंङलोर र चेन्नाई सुपर किंसबिच प्रतिस्पर्धा हुदैछ।