काठमाडौं – बिस्का जात्रा अन्तरगत भक्तपुरको बोडेमा आज ‘मे प्वा खनिउ जात्रा’ अर्थात जिब्रो छेड्ने जात्रा हुँदैछ।

यो वर्ष पनि बुद्धकृष्ण बाग श्रेष्ठले नवौं पटक जिब्रो छेड्दै छन्। त्यसका लागि उनी निराहारमा रहेका छन्। उनले पानी मात्र खाएर बसेका छन्र निरआहार बस्दा जिब्रोमा स्वाद नबस्ने र जिब्रो नरम हुने भएकाले उपवास बसेको उनको भनाइ छ।

यो वर्षका लागि पनि बोडेको लाकुछेंका नकर्मीहरुले जात्रामा जिब्रो छेड्नकालागि ११ इन्चको नटुचा तयार पारेर राखेका छन् ।

पेशाले एम्बुलेन्स चालक रहेका बुद्धकृष्णले अघिल्लो वर्ष पनि जिब्रो छेडेका थिए।