एजेन्सी – जर्मन क्लब बायर्न म्युनिख च्याम्पियन्स लिग फुटबल प्रतियोगिताबाट बाहिरिएको छ।
गएराति स्पेनिस क्लब भिल्ला रियलसँग क्वार्टरफाइनलको दोस्रो लिगमा १–१ गोलको बराबरी खेल्दै प्रतियोगिताबाट बाहिरिएको हो ।
स्पेनिस क्लब समग्रमा २–१ को नतिजा सहित सेमिफाइनल प्रवेश गर्यो। पहिलो लेगको खेलमा भिल्ला रियलले घरेलु मैदानमा १–० को अग्रता लिएको थियो।
दोस्रो लेगमा रोबर्ट लेवास्डोस्कीले गोल गर्दै बायर्नलाई प्रतियोगितामा अघि बढाउने कोशिश गरेका थिए। तर भिल्ला रियलले एक गोल फर्काउँदै समग्रमा २–१ को नतिजा सहित अन्तिम ४ को यात्रा तय गर्यो।
१६ वर्ष पहिलो पटक भिल्ला रियल च्याम्पियन्स लिग फुटबलको सेमिफाइनल प्रवेश गरेको हो। अन्तिम चारको खेलमा भिल्ला रियलले बेन्फिका र लिभरपुलबीचको विजेतासँग खेल्नेछ।