काठमाडौं – चेल्सी एफए कपको सेमिफाइनलमा प्रवेश गरेको छ।

गएराति क्वाटरफाइनल अन्तर्गतको खेलमा मिड्ल्सब्रोलाई २(० गोल अन्तरले पराजित गर्दै एफए कपको सेमीफाइनलमा पुगेको हो। चेल्सीको जितमा रोमेलु लुकाकु र हाकिम जिएचले एक एक गोल गरेका थिए।​

लुकाकुले खेलको १५औं मिनेटमा गोल गर्दै चेल्सीलाई शुरुवाती अग्रता दिलाएका थिए भने जिएचले खेलको ३१औं मिनेटमा गोल गर्दै चेल्सीको अग्रता दोब्बर पारेका थिए।

अब क्वाटरफाइनलका अन्य खेलमा आज एभर्टनले क्रिस्टल प्यालेसको, म्यानचेस्टर सिटीले साउथहम्पटनको र लिभरपुलले नोट्टिंगघम फोरेस्टको सामना गर्दैछन्।