काठमाडौं – एसीसी यू–१९ एसिया कप क्रिकेट अन्तर्गत आफ्नो दोस्रो खेलमा नेपालले आज श्रीलंकासँग प्रतिस्पर्धा गर्दैछ ।

युइईको सारजाह क्रिकेट मैदानमा नेपाल र श्रीलंकाबीचको खेल ११ : ५५ बजे सुरु हुनेछ।

नेपाल आज पहिलो जितको खोजीमा रहेको छ। पहिलो खेलमा नेपाल टेस्ट राष्ट्र बंगलादेशसँग १ सय ५४ रनले पराजित भएको थियो।

नेपाल अंकविहीन रहदै समूह बी को पुछारमा रहेको छ। श्रीलंका भने २ अंक जोडेर दोस्रो स्थानमा रहेको छ। नेपाललाई हराएर श्रीलंका दोस्रो जित निकाल्न चाहन्छ।

पछिल्लो पाँच खेलमा श्रीलंकाले नेपाललाई पाँचै खेलमा पराजित गरेको छ। प्रतियोगिता अन्तर्गत नेपालले समूह चरणको अन्तिम खेल कुवेतविरुद्ध डिसेम्बर २८ मा खेल्नेछ।