काठमाडौं—काठमाडौं उपत्यकामा २३२ सहित थप ८५५ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा थप जनामा कोरोना संक्रमण देखिएको हो ।

काठमाडौंमा उपत्यकाका २३२ मध्ये काठमाडौंका १९९ जनामा कोरोना संक्रमण देखिएको छ । यस्तै, ललितपुरका १९ जना र भक्तपुरमा १४ जनामा कोरोना पुष्टि भएको छ । अहिलेसम्म नेपालमा कोरोना संक्रमित हुनेको संख्या ३३ हजार ५ सय ३३ पुगेको छ ।

अहिलेसम्म कोरोना निको भएर १९ हजार १ सय १९ जना घर फर्किएका छन् । पछिल्लो २४ घण्टामा ३१३ जना कोरोना संक्रमण जितेर घर फर्किएका छन् । अहिले नेपालमा १५ जना कोरोना संक्रमित भेन्टिलेटरमा उपचार गराइरहेको मन्त्रालयका प्रवक्ता डा. जागेश्वर गौतमले जानकारी दिए।