काठमाडौ – महाभारतमा वनवासका बेला एकपटक द्रोपदीले भीमसँग एउटा अचम्मको कमलको फूल मागिन् । द्रौपदीले उक्त फूललाई एउटा तालमा तैरिरहेको देखेकी थिइन् । भीमले उक्त कमलको फूलबारे पत्ता लगाए । कैलाश पर्वतमा कुबेरको पोखरीमा त्यो फूल पाइने गर्दथ्यो ।

भीमले कुबेरलाई तालबाट द्रौपदीलाई त्यो फूल ल्याएर दिए । यसका लागि युद्ध पनि भयो । तर भीमले द्रौपदीको त्यो इच्छा पूरा गरे ।

यस्तै, अर्को घटना रामायणको पनि छ । पंचवटीमा सुनौलो मृग देखेर सीताले रामलाई आफूलाई त्यो हरिण चाहिएको बताएकी थिइन् । राम त्यो हरिणको पिछा लागे । यद्यपि, त्यो हरिण थिएन, हरिणको रुपमा मरिच नामको राक्षस थियो ।

पाठः

यदि जीवनसाथीले केही माग्छ भने त्यसलाई पूरा गर्ने कोसिस गर्नुपर्छ । यो हाम्रो जिम्मेवारी पनि हो र यसमा स्नेह र प्रेम पनि लुकेको छ । जीवनसाथी अर्थात् श्रीमानको श्रीमती र श्रीमतीको श्रीमानमाथि एक अर्कासँग केही माग गर्ने अधिकार हुन्छ । माग चाहे जेसुकै होस् श्रीमान् वा श्रीमतीले जीवनसाथीको आफ्नो हैसियत र क्षमताको हिसाबले त्यसलाई पूरा गर्ने कोसिस गर्नुपर्ने कर्तव्य हो ।