सिओलः उत्तर कोरियाले आफ्ना नागरिकलाई छालाको कोट लगाउनमा रोक लगाएको छ। उत्तर कोरियाले आफ्ना शासक किम जोङ उनको जस्तै फेशन भएको छालाको कोट लगाउनमा रोक लगाएको हो।

देशका नेताको जस्तै फेशन गर्नु अपमान हुने भन्दै किमको जस्तै छालाको कोट लगाउनमा प्रतिबन्ध लगाएको स्थानीय मिडिया कोरियन सेन्ट्रल न्युज एजेन्सीले जानकारी दिएको छ।

सन् २०१९ मा किमले ‘लेदर ट्रेन्च’ नामक छालाको कोट लगाएर टेलिभिजनमा देखिएपछि सो कोट लोकप्रिय बनेको थियो। चीनबाट आयात गरिएको सो कोट धनाढ्यहरुले मात्र लगाउने गरेको बताइन्छ। उत्तर कोरियामा भने सो कोट किमले मात्र लगाउन पाउने बताइएको छ।