एजेन्सी – बलिउड अभिनेत्री कंगना रनौत सीताको भूमिकामा देखिने भएकी छन्। अलौकिक देसाइको निर्देशनमा बन्ने फिल्म सीताः द इनकार्नेशनु मा कंगना पक्का भएकी हुन्।

यसअघि फिल्मको लागि करिना कपूर र आलिया भट्टको नाम चर्चामा आएको थियो। मंगलबार निर्माण टोलीले औपचारिक जानकारी दिएसँगै फिल्ममा केन्द्रीय पात्रको भूमिकामा कंगना देखिने पक्का भएको हो।

ठूलो बजेटमा बन्न लागेको ऐतिहासिक फिल्मलाई हिन्दी, तामिल, तेलुगु, मलयालम र कन्नड गरी पाँच भाषामा प्रदर्शनमा ल्याउने बताइएको छ। फिल्ममा हिन्दु धर्ममा आदर्श नारीको रुपमा चिनिने सीताको जीवनकथा देखाइने बताइएको छ। जसलाई बाहुबलीका लेखक केवी विजयेन्द्र प्रसादले लेखेका हुन्।

भारतको प्रतिष्ठित पुरस्कार पद्मश्री तथा चारपटक राष्ट्रिय पुरस्कारबाट सम्मानित कंगना पछिल्लो पटक थलाइवीमा कलाकार तथा राजनीतिज्ञ जयललिताको भूमिकामा देखिएकी थिइन्। जसबाट उनको धेरैले तारिफ गरेका थिए। योबाहेक मणिकर्णिकाुमा उनले रानी लक्ष्मीबाइको भूमिका निभाएकी थिइन्। सीताबाहेक उनका धाकड र तेजसुु निर्माणको क्रममा रहेका फिल्म हुन्।