के तपाई अत्याधिक मेक अप गर्नु हुन्छ ?  घरबाहिर दैनिक काममा वा कलेजमा जाँदा नियमित मेक अप नगरी हिड्न मन लाग्दैन ? अनि मेक अप नहुँदा शरिरमा केही नपुगे जस्तो अनुभूति हुन्छ?

युवतीमात्र होइन, पाका महिला पनि अनुहारको मेक अपको सौखिन हुन्छन । मेकअपप्रति अत्यधिक सोख छ भने आजैबाट साबधानी रहनुहोस, किनकी यसले विभिन्न जोखिम निम्त्याउछ ।

मेकअपले महिलाको सौन्दर्यता निखार ल्याउछ र उनीहरुको आत्मविश्वास बढाउछ । तर, मेक अपका नाममा अनावश्यक रुपमा अनुहार पोत्नु भनेको ठूला ठूला रोग निम्त्याउनु हो । मेक अप गर्ने प्राय युवा युवतीले मेकअपको साईड इफेक्टबारे खासै चासो दिदैनन् । क्षणिक रुपमा राम्री देखिनुमा नै मख्ख हुन्छन् । मेक अपले क्यान्सरलगायत स्वास्थ्य सम्बन्धी गम्भीर समस्या निम्त्यिाएको पाइन्छ ।

आवश्यकताभन्दा बढी मेक अपले छालामा यस्ता असर देखिन्छन्ः

आँखाको ढकनी विग्रने

आइ स्याडो लगायत आखामा लगाउने आइ मेक अपले आईल्यास अर्थात आखाको ढकनीमा गम्भीर असर गर्छ । मेकअपमा हुने रसायनले आँखाँको ढकनीमा रातो विमिरा पलाउनुका साथै दीर्धकालिन असर गर्छ । आँखाको मेक अपले आँखामा सुख्खापन ल्याउनुका साथै आँखा रातो बनाउछ । मेक अपका कणहरुले आखामा टियर डक्ट (आँशु निकाल्ने ग्रन्थी) सुकाइदिन्छ जसका कारण आँखा सुख्खा हुन्छ ।

अनुहारमा दाग

मेक अप धेरै भयो भने अनुहारमा अनावश्यक दाग देखिन्छ । मेक अपको रसायन नरम छालालाई छिद्रा पारि लामो समय त्यही रहन्छ । तसर्थ, राती बेडमा जानु भन्दा अगाडि अनिवार्य रुपमा मेक अप पखाल्नु पर्छ ।

छालाको एलर्जी

अनुहारको मेक अपले छालाको एलर्जी हुन्छ । एलर्जीले छालालाई रातो बनाउने, विमिरा उठ्ने, सुनिने र अन्तमा ज्वरो समेत आउछ । रसायनमा नकरात्मक अशर भएमा एलर्जी आउछ । छालालाई रातो बनाउने फेसियल मेक अपमा हुने रसायनले अनुहारको छालालाई रातो बनाउने गर्छ । मेकअपले छालाको बाहिरी पत्रलाई खुइलाईदिन्छ र छालाको क्यान्सर समेत हुने गर्छ । केही फाउन्डेसन क्रिमले तपाईको छाला चिल्लो र ग्रिजी बनाइदिन्छ । – एजेन्सी