सुर्खेत – वीरेन्द्रगर नगरपालीका वडा नं. ९ स्थित लाटीकोईली स्वास्थ्य चौकीमा विशेषज्ञ सहित ईसिजि र भिडियो एक्सरे सेवा शुभारम्भ भएको छ ।

कर्णाली प्रदेश राजधानी वीरेन्द्रनगरको दक्षिण तर्फ अवस्थित सबैभन्दा धेरै जनसंख्या रहेको वडामा मङ्गलबार एक कार्यक्रमका विच उक्त सेवा शुभारम्भ गरिएको हो । उक्त सेवा सुचारु भएसंगै यस क्षेत्रका स्थानियहरु थप उपचारका लागी प्रदेश अस्पताल जानु पर्ने बाध्यता हट्ने भएको छ ।

हाल हाडजोर्नि बिशेषज्ञ डाक्टर शुभ श्रेष्ठ, स्त्री रोग बिशेषज्ञ डाक्टर कृतिका थापा र रेडियोलोजिष्ट बिशेषज्ञ डाक्टर डिबि गुरुडले प्रत्येक हप्ता निशुल्क सेवा दिने र निकट भविष्यमा नै जनरल फिजिशियन र छाला रोग बिशेषज्ञद्वारा सेवा प्रदान गर्ने वडा नं. ९ का वडा अध्यक्ष सुरेश मानन्धरल जानकारी दिए । कार्यक्रममा निशुल्क चिकित्सकिय सेवा प्रदान गर्नुहुने स्त्री रोग विषेशज्ञ डा. कृतिका थापालाई सम्मान समेत गरिएको थियो ।